ዲጂታል ሕክምና

ነፃ የጤና ቪዲዮዎቻችንን እንዴት እንደምናዘጋጅ፣ እንዲሁም ከጀርባቸው ያሉት ጽሑፎችና ምንጮች።

Digital Medical resources provided by Developing Medicine

የዲጂታል ሕክምና ግብዓቶቻችን በቋንቋ ተደርድረው በመነሻ ገጻችን እና በየጤና መረጃ ገጻችን ላይ ይገኛሉ። እስካሁን እነዚህን ግብዓቶች በ19 ቋንቋዎች አዘጋጅተናል፤ ከ50 በሚበልጡ ታዳጊ አገሮች ውስጥ በሚሊዮን የሚቆጠሩ ሰዎችም ተጠቅመውባቸዋል። በቅርቡ ሌሎች ቋንቋዎችን ለማካተት አቅደናል።

የዲጂታል ሕክምና ግብዓቶቹ የተመሠረቱት በብሔራዊ የጤና አገልግሎት (NHS UK) እና በዓለም ጤና ድርጅት (WHO) ለሕዝብ ክፍት ከሆኑ ምንጮች በሚገኝ መረጃ በምንጽፈው ጽሑፍ ላይ ነው። የእያንዳንዱን ቪዲዮ ጽሑፍ ከምንጭ ማጣቀሻዎቹ ጋር ከታች ባሉት አገናኞች ያገኛሉ።

ከዚያም አጠቃላዩ ጽሑፍ ሙሉ ብቃት ባላቸው የአካባቢያችን ሐኪሞች ይተረጎማል፤ ይስተካከላልም። በዚህ መንገድ ትክክለኛና ሊደርሱባቸው ለታሰቡ ማኅበረሰቦች የሚስማሙ የዲጂታል ሕክምና ግብዓቶችን ለማዘጋጀት እንጥራለን። እንዲሁም የሕክምና መሣሪያዎችን እንዴት መጠቀም እንደሚቻል በአካባቢ ቋንቋዎች የሚያብራሩ የመመሪያ ቪዲዮዎችን እናዘጋጃለን።

ሁሉም የዲጂታል ሕክምና ግብዓቶቻችን የዲጂታል ሕክምና ግብዓቶችን ለማዘጋጀት የወጣውን መመሪያና ሂደት (በእንግሊዝኛ) መከተል አለባቸው። በተጨማሪም በሕክምና ስፔሻሊቲ ማኅበራት ምክር ቤት (CMSS)፣ በብሔራዊ የሕክምና አካዳሚ (NAM) እና በWHO የተቀመጡትን የጤና መረጃ መጋራት መርሆች እንከተላለን፤ እነዚህም Identifying Credible Sources of Health Information in Social Media: Principles and Attributes (በእንግሊዝኛ) ውስጥ ታትመዋል።

እንዲሁም በብሪታንያ የጠቅላላ ሕክምና ምክር ቤት (General Medical Council) የታተሙትን የሐኪሞች ሙያዊ ደረጃዎች (በእንግሊዝኛ) እና መልካም የሕክምና ተግባር (በእንግሊዝኛ) መመሪያዎችን እንከተላለን። ይህም ማለት ምርቶችን ወይም ሕክምናዎችን አናስተዋውቅም ወይም አንሸጥም። ከማንኛውም የመድኃኒት ወይም የሕክምና መሣሪያ ኩባንያ ጋር የሚመስልም ሆነ እውነተኛ ግንኙነት አይኖረንም።

ስለ ዲጂታል ሕክምና ግብዓቶቻችን ማንኛውም ስጋት ካለዎት እንዲያገኙን እንጋብዝዎታለን።