Ugonjwa wa mguu wa kisukari

Madaktari wetu wanaelezea tahadhari ambazo wagonjwa wa kisukari wanaweza kuchukua ili kupunguza hatari ya ugonjwa wa kisukari wa miguu.

Kwa nini kisukari kinaweza kuharibu miguu

Kisukari huharibu neva zinazotupa hisia ya kugusa, na miguu kwa kawaida huathirika kwanza. Kwa hiyo huenda usigundue ukijikata, ukiungua au ukiumia mguu, wala jeraha likiambukizwa. Jeraha lililoambukizwa linaweza kusababisha kukatwa vidole, mguu au sehemu ya mguu, na hata kuhatarisha maisha.

Njia sita za kulinda miguu yako

  1. Kagua miguu yako mara kwa mara, pamoja na katikati ya vidole na nyayo. Tumia kioo kidogo au omba msaada. Tafuta mikato, nyufa na sugu, na viweke safi na vikavu.
  2. Kata kucha kwa uangalifu ili zisiingie kwenye ngozi.
  3. Vaa viatu vizuri visivyobana wala kusugua, pamoja na soksi zisizobana.
  4. Usitembee bila viatu kamwe, hasa kwenye sehemu za joto kama saruji au mchanga.
  5. Usiondoe sugu mwenyewe. Zinaweza kuambukizwa. Muone mhudumu wa afya.
  6. Ukidhani jeraha limeambukizwa, nenda kwa mhudumu wa afya haraka. Dalili ni wekundu, usaha na maumivu yanayoongezeka.

Muhimu: Taarifa hii ni kwa ajili ya elimu ya jumla. Haichukui nafasi ya ushauri wa mhudumu wa afya. Ikiwa una wasiwasi kuhusu afya yako, au dalili zako zinazidi kuwa mbaya, muone mhudumu wa afya. Katika dharura, nenda mara moja kwenye kituo cha afya kilicho karibu nawe.

Vyanzo

  • NHS (UK): Complications – peripheral neuropathy
  • NHS (UK): Looking after your diabetic foot ulcer to reduce the risk of amputation
  • WHO: Prevention and management of diabetic foot problems

Kuhusu taarifa hii

Madaktari wetu huandika na kukagua kila nyenzo. Jinsi tunavyotayarisha nyenzo zetu

Ukiona kosa, tafadhali tutumie barua pepe: doctors@developingmedicine.org

Taarifa zinazohusiana

Taarifa zetu zote za afya kwa Kiswahili