ذیابیطس گردے دی بیماری

ساڈے ڈاکٹر دسدے نیں کہ ذیابیطس دے گردے دی بیماری کیوں ہوندی اے تے ایہدے ہون دے خطرے نوں کیویں گھٹ کیتا جا سکدا اے۔

ذیابیطس گُردیاں نوں کیویں نقصان پہنچاندی اے

ذیابیطس گُردے فیل ہون دیاں وڈیاں وجہاں وچوں اک اے۔ ودھ شوگر گُردیاں تیکر خون لے جان والیاں نالیاں نوں نقصان پہنچاندی اے، جیہدے نال گُردے خون نوں ٹھیک طرح صاف نئیں کر سکدے۔ بہت خراب گُردیاں لئی ڈائیلیسس یا گُردے دی پیوند کاری دی لوڑ پے سکدی اے، جیہڑے مہنگے نیں تے ہر تھاں نئیں ملدے۔

خطرہ کیویں گھٹ کرو

  1. شوگر چنگی طرح کنٹرول وچ رکھو۔ ٹھیک خوراک کھاؤ، دسیاں ہوئیاں دوائیاں لوو تے باقاعدگی نال شوگر چیک کرو۔
  2. گُردیاں نوں نقصان پہنچان والیاں دوائیاں توں بچو، جیویں آئبوپروفین تے ہور سوجش گھٹ کرن والیاں دوائیاں، سوائے ایہدے کہ تہاڈی ذیابیطس توں واقف ڈاکٹر نے لکھیاں ہون۔ دیسی دوائیاں تے جم سپلیمنٹاں توں محتاط رہو، تے دوائیاں بارے صرف مستند بندیاں کولوں صلاح لوو۔
  3. ہائی بلڈ پریشر تے ودھیا ہویا کولیسٹرول دا علاج کراؤ۔ جے تسیں سگریٹ یا ویپ پیندے او تے چھڈن یا گھٹ کرن دی کوشش کرو۔

چھیتی قدم چُکن نال گُردے بُری طرح خراب ہون دا امکان بہت گھٹ جاندا اے۔

ضروری: ایہہ جانکاری عام آگاہی لئی اے، تے ایہہ کسے ہیلتھ ورکر دی صلاح دی تھاں نہیں لے سکدی۔ جے تہانوں اپنی صحت بارے فکر اے، یا تہاڈیاں علامتاں ودھ رہیاں نیں، تے کسے ہیلتھ ورکر نوں ملو۔ ایمرجنسی وچ فوراً نیڑے دے طبی مرکز جاؤ۔

ماخذ

  • NHS: Kidneys
  • NHS: Chronic kidney disease
  • NHS, Imperial College Healthcare: Renal diabetes
  • CDC: Chronic kidney disease

ایس جانکاری بارے

ساڈے ڈاکٹر ہر وسیلہ لکھدے تے اوہدی نظرثانی کردے نیں۔ اسیں اپنے وسیلے کیویں تیار کردے آں

جے تہانوں کوئی غلطی نظر آوے تے مہربانی کر کے سانوں ای میل کرو: doctors@developingmedicine.org

متعلقہ جانکاری

پنجابی وچ ساڈی ساری صحت جانکاری