بلڈ شوگر کنٹرول دے فیدے

ساڈے ڈاکٹر بلڈ شوگر نو کنٹرول کرن دے فائدے تے اس نو کنٹرول کرن دے آسان طریقیاں دی وضاحت کردے ہن۔

خون وچ شوگر کیوں اہم اے

ٹائپ 2 ذیابیطس سب توں عام قسم دی ذیابیطس اے۔ ایہدا تعلق بہتی کھنڈ والیاں چیزاں کھان پین نال اے، جیویں چپس، بسکٹ، کیک تے مِٹھیاں بوتلاں۔ ہُن ودھ لوک، تے گھٹ عمرے، ایہدا شکار ہو رہے نیں۔ جے کجھ نہ کیتا جاوے تے ذیابیطس اکھاں، دل، گُردیاں تے پیراں نوں نقصان پہنچا سکدی اے تے معذوری تے موت دا سبب بن سکدی اے۔

ٹائپ 2 ذیابیطس “ریمیشن” وچ جا سکدی اے

ریمیشن دا مطلب اے دوائی توں بغیر خون دی شوگر نارمل رکھنا۔ ایہدی کُنجی گھٹ کیلوری والا کھانا کھا کے وزن گھٹ کرنا اے:

  • چپس، بسکٹ تے کیک توں پرہیز کرو۔
  • مِٹھیاں بوتلاں توں پرہیز کرو۔ جوس وچ وی بہت کھنڈ ہو سکدی اے۔ ایہدی تھاں پانی پیو۔
  • شروع وچ اوکھا لگدا اے، پر کجھ ہفتیاں بعد بہتے لوکاں نوں ایہناں چیزاں دی طلب نئیں رہندی۔

ایہدے نال ذیابیطس دیاں دوائیاں دا خرچہ بچ سکدا اے۔ پر کوئی دوائی آپ نہ بند کرو نہ بدلو — اپنے معالج نال گل کرو۔

ضروری: ایہہ جانکاری عام آگاہی لئی اے، تے ایہہ کسے ہیلتھ ورکر دی صلاح دی تھاں نہیں لے سکدی۔ جے تہانوں اپنی صحت بارے فکر اے، یا تہاڈیاں علامتاں ودھ رہیاں نیں، تے کسے ہیلتھ ورکر نوں ملو۔ ایمرجنسی وچ فوراً نیڑے دے طبی مرکز جاؤ۔

ماخذ

  • NHS (UK): NHS Type 2 Diabetes Path to Remission Programme
  • Diabetes UK: Type 2 diabetes remission
  • The Lancet (Valabhji et al): Early findings from the NHS Type 2 Diabetes Path to Remission Programme

ایس جانکاری بارے

ساڈے ڈاکٹر ہر وسیلہ لکھدے تے اوہدی نظرثانی کردے نیں۔ اسیں اپنے وسیلے کیویں تیار کردے آں

جے تہانوں کوئی غلطی نظر آوے تے مہربانی کر کے سانوں ای میل کرو: doctors@developingmedicine.org

متعلقہ جانکاری

پنجابی وچ ساڈی ساری صحت جانکاری