ذیابیطس آنکھ کی بیماری

ہمارے ڈاکٹر بتاتے ہیں کہ ذیابیطس آپ کی بینائی کو کیسے نقصان پہنچا سکتی ہے اور آپ اس خطرے کو کیسے کم کر سکتے ہیں۔

ذیابیطس آنکھوں کو کیسے نقصان پہنچاتی ہے

خون میں زیادہ شوگر آہستہ آہستہ ریٹینا کی خون کی نالیوں کو نقصان پہنچاتی ہے۔ ریٹینا آنکھ کا وہ حصہ ہے جو ہم جو دیکھتے ہیں اسے دماغ تک بھیجتا ہے۔ اسے ذیابیطک ریٹینوپیتھی کہتے ہیں۔ نظر پر اثر ہونے میں عام طور پر کچھ سال لگتے ہیں، لیکن ذیابیطس کے بہت سے مریض اس کی وجہ سے اپنی کچھ یا پوری بینائی کھو دیتے ہیں۔

اپنی بینائی کیسے بچائیں

  1. اپنی ذیابیطس کو اچھی طرح کنٹرول میں رکھیں۔ مناسب غذا لیں، تجویز کردہ دوائیں لیں اور باقاعدگی سے شوگر چیک کریں۔
  2. آنکھوں کو نقصان پہنچانے والی دوسری بیماریوں کا علاج کرائیں، خاص طور پر ہائی بلڈ پریشر اور زیادہ کولیسٹرول۔ اگر آپ سگریٹ یا ویپ پیتے ہیں تو چھوڑنے یا کم کرنے کی کوشش کریں۔
  3. اگر ممکن ہو تو آنکھوں کے ڈاکٹر سے آنکھیں چیک کرائیں، کیونکہ شوگر، بلڈ پریشر اور کولیسٹرول کنٹرول میں ہوں تب بھی ریٹینوپیتھی ہو سکتی ہے۔

جتنی جلدی یہ قدم اٹھائیں گے، بینائی بچنے کا امکان اتنا ہی زیادہ ہوگا۔

اہم: یہ معلومات عمومی آگاہی کے لیے ہیں اور کسی ہیلتھ ورکر کے مشورے کا متبادل نہیں ہیں۔ اگر آپ اپنی صحت کے بارے میں فکرمند ہیں، یا آپ کی علامات بگڑ رہی ہیں، تو کسی ہیلتھ ورکر سے رجوع کریں۔ ہنگامی صورت میں فوراً قریب ترین طبی مرکز جائیں۔

ماخذ

  • NHS: Diabetic retinopathy
  • NHS: Diabetic eye screening
  • WHO: Promoting diabetic retinopathy screening

ان معلومات کے بارے میں

ہمارے ڈاکٹر ہر وسیلہ لکھتے ہیں اور اس پر نظرثانی کرتے ہیں۔ ہم اپنے وسائل کیسے تیار کرتے ہیں

اگر آپ کو کوئی غلطی نظر آئے تو براہِ کرم ہمیں ای میل کریں: doctors@developingmedicine.org

متعلقہ معلومات

اردو میں ہماری تمام صحت سے متعلق معلومات