எங்கள் இலவச சுகாதார வீடியோக்களை நாங்கள் எப்படி உருவாக்குகிறோம், அவற்றின் பின்னணியில் உள்ள உரைநடைகள் (ஸ்கிரிப்ட்கள்) மற்றும் ஆதாரங்கள் ஆகியவை பற்றியது.
எங்கள் டிஜிட்டல் மருத்துவ வளங்கள் மொழி வாரியாக எங்கள் முகப்புப் பக்கத்திலும் சுகாதாரத் தகவல் பக்கத்திலும் வரிசைப்படுத்தப்பட்டுள்ளன. இதுவரை இந்த வளங்களை 19 மொழிகளில் உருவாக்கியுள்ளோம். 50-க்கும் மேற்பட்ட வளரும் நாடுகளில் மில்லியன் கணக்கான மக்கள் இவற்றைப் பயன்படுத்தியுள்ளனர். எதிர்காலத்தில் மேலும் பல மொழிகளைச் சேர்க்கத் திட்டமிட்டுள்ளோம்.
டிஜிட்டல் மருத்துவ வளங்கள், பொதுவில் கிடைக்கும் தேசிய சுகாதார சேவை (NHS UK) மற்றும் உலக சுகாதார அமைப்பு (WHO) ஆதாரங்களிலிருந்து தகவல்களைப் பயன்படுத்தி நாங்கள் எழுதும் ஒரு ஸ்கிரிப்டை அடிப்படையாகக் கொண்டவை. ஒவ்வொரு வீடியோவுக்கான ஸ்கிரிப்ட்களையும் ஆதாரக் குறிப்புகளையும் கீழே உள்ள இணைப்புகளில் காணலாம்.
பின்னர் இந்தப் பொது ஸ்கிரிப்டை, முழுத் தகுதி பெற்ற எங்கள் உள்ளூர் மருத்துவர்கள் மொழிபெயர்த்து, அந்தந்தச் சமூகத்துக்கு ஏற்றவாறு மாற்றியமைக்கிறார்கள். இதன் மூலம், சென்றடைய வேண்டிய சமூகங்களுக்குப் பொருத்தமான, துல்லியமான டிஜிட்டல் மருத்துவ வளங்களை உருவாக்க முயல்கிறோம். மருத்துவக் கருவிகளை எப்படிப் பயன்படுத்துவது என்பதை உள்ளூர் மொழிகளில் விளக்கும் வழிகாட்டி வீடியோக்களையும் நாங்கள் தயாரிக்கிறோம்.
எங்கள் அனைத்து டிஜிட்டல் மருத்துவ வளங்களும் எங்கள் டிஜிட்டல் மருத்துவ வளங்களை உருவாக்குவதற்கான வழிகாட்டுதல்கள் மற்றும் செயல்முறை (ஆங்கிலத்தில்) என்பதற்கு இணங்க இருக்க வேண்டும். மேலும், மருத்துவ சிறப்புச் சங்கங்களின் கவுன்சில் (CMSS), தேசிய மருத்துவ அகாடமி (NAM) மற்றும் WHO வகுத்த சுகாதாரத் தகவல் பகிர்வுக் கொள்கைகளை நாங்கள் ஏற்றுக்கொள்கிறோம். அவை சமூக ஊடகங்களில் நம்பகமான சுகாதாரத் தகவல் ஆதாரங்களை அடையாளம் காணுதல்: கொள்கைகளும் பண்புகளும் (ஆங்கிலத்தில்) என்பதில் வெளியிடப்பட்டுள்ளன.
ஐக்கிய இராச்சியத்தின் பொது மருத்துவ கவுன்சில் வெளியிட்ட மருத்துவர்களுக்கான தொழில்முறை தரநிலைகள் (ஆங்கிலத்தில்) மற்றும் நல்ல மருத்துவ நடைமுறை (ஆங்கிலத்தில்) வழிகாட்டுதல்களையும் நாங்கள் பின்பற்றுகிறோம். அதாவது, பொருட்களையோ சிகிச்சைகளையோ நாங்கள் விளம்பரப்படுத்தவோ விற்கவோ மாட்டோம். எந்த மருந்து நிறுவனம் அல்லது மருத்துவக் கருவி நிறுவனத்துடனும் வெளித்தோற்றத்திலான அல்லது உண்மையான தொடர்பும் எங்களுக்கு இருக்காது.
எங்கள் டிஜிட்டல் மருத்துவ வளங்கள் குறித்து ஏதேனும் கவலைகள் இருந்தால், எங்களைத் தொடர்புகொள்ளுங்கள்.
ஒவ்வொரு வீடியோ குழுவுக்கான ஸ்கிரிப்ட் மற்றும் ஆதாரக் குறிப்புகளைப் பதிவிறக்குங்கள் (PDF).

Cookie compliance notice: We use cookies to optimise your experience on this website and to understand how it is being used. Feel free to deny or manage these cookies. More information can be found in our Privacy and Cookies Policy.